臺北市
28°
( 29° / 28° )
氣象
快訊

2020-05-28 | 公共電視

港版國安法決定草案 中國人大表決通過

中國十三屆全國人民代表大會第三次會議,今仔日結束,因為閉幕的時,就是欲表決,上蓋受著外界注目彼部香港版港版國安法,頭拄仔也已經表決通過。

香港版的國安法通過表決,就會開始授權人民代表大會的常務委員會,落去制定條文的內容,緊者8月就會通過實施。因為國安法是中央制定的法律,立法的過程,攏毋免經過香港的立法會同意,外界嘛擔憂講,過去中國捌允過的一國兩制和香港人治理香港遮的條件,攏會有影響。下晡4點,中國國務院的李克強總理,會去出席國內外記者會,照看香港版的國安法,閣有中國佮美國中間的關係,攏是媒體記者探問的重點。

最新國際新聞

延伸閱讀