臺北市
16°
( 17° / 16° )
氣象
2020-09-16 | 公共電視

菅義偉擔當日本第99任首相 臺日關係敢會有變化

日本參、眾兩院今仔投票,新首相確定由自民黨總裁官義偉接任,日本佮臺灣的關係,敢有法度延續安倍時期所拍下的基礎,繼續臺日友善咧?學者認為、官義偉會繼續伨臺灣加入國際衛生組織,毋過日本核災地區的食品出口佮經濟同伴協議,敢會有新進展,也是臺灣佮日本愛面對的新考驗。

予人叫做「令和大叔」今年71歲,當選日本自由民主黨總裁的菅義偉,9/16上任,成做日本第99任首相,宣告七年八個外月的安倍政權結束。菅義偉佇安倍晉三2006年頭擺當選總理的時,就被任命做總務大臣、伊也是安倍任內 ,做上久的內閣官員長官,會當講是安倍非常信任的人。

學者認為菅義偉上任了後,定著會繼續安倍時代,維持台灣和日本友善的關係,也會挺台灣加入國際衛生組織。不過佇經濟和貿易這部分,猶有一寡挑戰。

不過台日目前並無邦交,加上日本佇1972年的"中日聯合聲明"接受北京「一e5中國」的立場,日本和台灣的互動定綁跤綁手,學者認為,台日關系欲深化,台灣和日本佇經濟夥伴協議(EPA)的談判,敢會有新的進展,也是一e5觀察重點。

台灣是日本第四大貿易夥伴;舊年台灣就有500萬人次去日本,對日本來台灣的人次也有200萬,台日雙方也是印太區域重要民主國家,隨著菅義偉上任,台日關係會按怎變化,也是各界關心的焦點。

最新國際新聞

延伸閱讀