臺北市
--°
( --° / --° )
氣象
2020-08-11 | 公共電視

用臺文菜單賣米糕 宜蘭頭家傳正港臺灣味

毋知逐家敢捌看過臺文字和羅馬拼音菜單?宜蘭有一位自細漢就食南方澳廟口米糕大漢的民眾,為著欲推廣臺灣的點心佮臺語,專工倩臺語老師共菜單攏寫臺語字佮拼音,希望毋但食著好滋味,也學著臺語。

囡仔兄用羅馬拼音讀菜名,爸爸是看漢字。來食小食的這對爸仔囝,認真研究菜單,讀出杉仔桶炊出來的米糕,頂頭有的配料。

店員講其實逐工接觸的人客,對讀台文菜單的反應攏真無仝。

店頭家盧再祥先生,也講出一冬前,開這間專賣米糕的小食店,想欲推廣台文的理念。

毋但菜單看會著台文字、壁頂的文宣品也是頭家倩台語老師翻譯的。店頭家講那走揣這項,往過佇南方澳廟口邊,自細漢食到大漢的記持,伊也那開始認捌台文。

盧再祥先生講未來毋但欲繼續推廣台文,也會繼續堅持用在地食材,料理各種台灣小食,和世界分享咱的台灣味。

最新生活新聞

延伸閱讀