臺北市
17°
( 18° / 16° )
氣象
2020-10-21 | 公共電視

注心傳文化 西田社布袋戲團捐2千件文物予交大

對1985年成立的西田社,是一个布袋戲社團。這个名,是抾戲曲祖師爺:西秦王爺的西、田都元帥的田,2字敆作伙。真濟大人物,佇臺大讀冊的時陣,攏是西田社的社員,這陣ﰀ也共2千外件的文物捐予交通大學,希望透過學校,繼續保存

台頂老藝師認真弄布袋戲,台跤觀眾看甲津津有味。台灣西田社布袋戲過去三十外年來,為台灣布袋戲文化奉獻袂少心力,這擺閣共長久保存的布袋戲相關文物,包括珍貴的尪仔、服裝、家私頭,寄付予交通大學,紲後進行保存佮推廣。

除了保存珍貴文物,交通大學閣用3D掃描技術共資料整理、分類,予民眾通佇螢幕中仝步弄虛擬的布袋戲。

交大布袋戲社團捌佇舊年,推出自製的布袋戲電影,造成轟動,這擺閣得著台灣第一个關懷布袋戲的民間團體肯定,希望會當對布袋戲文化資產的保存盡閣較濟的心力。

最新生活新聞

延伸閱讀