臺北市
19°
( 21° / 18° )
氣象
快訊

2020-10-29 | 公共電視

故宮南院規劃起新館 按算2026年營運

故宮南院、按算欲佇園區內面起一棟、占地4公頃的、展覽館,未來展覽的數量會當閣較濟,也會當有文物修復、佮保存的空間。這棟新的展覽館,按算2026年欲來運作。

以青銅文物花逝做建築外觀設計的故宮新館,透過設計師的紹介,正式予逐家來知影。2015年底開放的故宮南院,考慮展覽的內容佮空間不足,這陣按算欲起新的展覽館。

新館的位置,按算起佇南爿的停車場佮主館中央相倚的湖邊,大約4公頃左右,目前已經來到細部規劃的階段,嘉義縣政府文化觀光局表示,期待新的展館會當帶動嘉義縣的觀光,週邊的鄉鎮也愛綴咧共同規劃。

故宮南院表示,民眾入來園區的時陣,攏會感覺入口佮展覽館之間的路傷過遠,透過新館的建設,毋但解決這个問題,也予歷史文物有科技化的空間,希望會當予全國的民眾,用無仝的角度,重閣來了解遮的文物。

最新生活新聞

延伸閱讀