臺北市
16°
( 16° / 15° )
氣象
快訊

2021-01-19 | 公共電視

母語斷.文化滅 國會成立"三餘吟社"拚傳承

學校內底有各種的社團,逐家可能毋知影、立法院內底嘛有一寡仔社團,而且佇19這工,頭一个臺語社團「三餘吟社」,教社員用臺語唸漢詩。立法院長游錫堃嘛也特別講著較早,咧做宜蘭縣長的時,是全臺灣上早推動學校學母語的縣市。伊也特別強調「母語若斷,文化就會消滅」。

立法院長游錫堃現場唱出韓愈做的七言律詩,用行動展現對立法院成立台語吟詩社的支持。這也是立法院內第7个社團,有台語老師來教逐家唸漢詩。

老師用漢詩教社員,上主要是,因為台語本身就誠濟調、真適合用唱的,詩詞短也較好記。院長也表示,台語是咱的母語,母語斷文化滅,未來也希望台語漢詩吟唱,會當推展變台語教學的一部份。

游錫堃也講,台語漢詩的教學有文學藝術價值,這擺立院成立第一个台語社團,嘛希望台語文化更加受重視。

最新生活新聞

延伸閱讀