臺北市
26°
( 30° / 20° )
氣象
2021-03-14 | 公共電視

再現劇團團長黃民安過身 戲劇節設紀念牆數念

第13屆草草戲劇節,拜六佇嘉義民雄表演藝術中心開幕,煞傳出「再現劇團」團長-黃民安不幸過身的消息。今仔日文化部次長-蕭宗煌特別去致意,嘛講《文化藝術獎助條例》的修法,已經共藝文工作者的職業安全保險,佮勞動權益的條文列入去,希望立法院會當佇這个會期通過。

家長tshuā囡仔佇草埔仔野餐,邊仔隨時攏有各種無仝的表演,第十三屆草草戲劇節3月13正式開幕,將近500場的演出、工作坊佮講座,希望民眾有豐富的藝術體驗。

阮劇團表示,今年的主題號作轉轉,抑是踅踅攏會使,就是希望國家社會會當轉運,嘛希望民眾有閒會當來遮踅踅。這過佇嘉義縣演藝廳佮嘉義市文創園區雙爿做伙舉辦,閣有安排在地故事的議題式劇場。

戲劇節昨昏開幕,傳出再現劇團團長黃民安佇演出閬縫,因為心臟方面的症頭不幸過身的消息,今仔日主辦單位佇表演藝術中心設置紀念牆,文化部次長蕭宗煌到場時除了表達毋甘,嘛講為著保障文化藝術工作者,立法院審議中的《文化藝術獎助條例》的修正草案,已經納入藝文工作者職業安全保險佮勞動權益的條文,希望會當佇這个會期通過。

最新社會新聞

延伸閱讀